НАЈНОВО ОД ДЕБАРСКО-КИЧЕВСКАТА ЕПАРХИЈА

„Пеејќи ја спасителната песна, дојдете сите верни, да се поклониме во домот на Господа, велејќи: Ти, Кој на Крстот се распна, и од мртвите воскресна, и Кој си во прегратките на Отецот, очисти ги нашите гревови“ (стихира на Господи повикав... на Воскресна вечерна богослужба, глас 2-ри). 

На 17.10.2020 година, во Навечерието на прославата на големиот јубилеј 1000 години од основањето на славниот Бигорски манастир, беше отслужена Воскресна вечерна богослужба, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоереј-ставрофорите Никола Христоски и Димче Ѓорѓиески, еромонахот Доситеј, протоѓаконот Николче Ѓурѓиноски и ероѓаконите Порфириј и Силуан. Пред почетокот на Вечерната богослужба, игуменот на светиот Бигорски манастир, Епископот Антаниски г. Партениј, му го додели на Митрополитот Тимотеј највисокото милениумско одликување на Свештената Бигорска обител - лента со ѕвезда и крст со ликот на чесниот Претеча. Пред доделувањето на орденот, Епископот Партениј се обрати со пригодно слово, коешто интегрално посебно ви го пренесуваме. Веднаш потоа се обрати и Митрополитот Тимотеј со пригодна беседа, којашто ви ја пренесуваме во целост, а на самиот крај Митрополитот Тимотеј се заблагодари и за големата чест да го добие ова високо одликување. 

„Твојот пречеен омофор, поскапоцен од некогашниот ковчег, навистина светли со духовен, нематеријален сјај, повеќе од злато и сребро, простиран со твоите нетлени пречисти раце, и милостиво ги чува оние кои го чествуваат благоукрасениот празник на твојот покров, Владичице, во кој, собрани, од срце го празнуваме“ (седален по полиелејните псалми на Утрена на празникот Покров на Пресвета Богородица).

На 14.10.2020 година, денот кога го прославуваме споменот на великиот празник Покров на Пресвета Богородица и на св. Јован Кукузел, во параклисот „Покров на Пресвета Богородица“ во Митрополитската резиденција во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Димче Ѓорѓиески, свештеникот Љупчо Бакрачески и протоѓаконот Николче Ѓурѓиноски. По завршувањето на Литургијата, беше извршен чинот на Мал водосвет и беше прекршен празничниот колач, а Митрополитот Тимотеј се обрати со пригодна беседа, која ви ја пренесуваме во целост.

„Ти, Кој доброволно на Крстот се искачи, на Твојот нов народ што го носи Твоето име, дарувај му ги Твоите добрини; дај му сила на Твојот народ побожен, давајќи му победа над непријателите, имајќи го за помош Твоето оружје на мирот, непобедлива победа“ (кондак на Утрена на празникот Крстовден).

На 04.10.2020 година, во Седумнаесеттата недела по Педесетница (по Воздвижение на чесниот Крст) и на празникот Оддание на Крстовден, како и во Неделата посветена на Собор на сите македонски светии, во храмот „Успение на Пресвета Богородица“ - Каменско во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Преспанско-пелагониски и Администратор Австралиско-новозеландски г. Петар, во сосолужение на Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, Неговото Преосвештенство Епископот Хераклејски г. Климент, архимандритот Нектариј, протоерејот-ставрофор Никола Грамбозов, свештениците Димче Азески и Ѓорѓи Блажевски и протоѓаконите Николче Ѓурѓиноски и Драган Ѓорѓиевски. По завршувањето на Литургијата, Митрополитот Петар се обрати кон многубројниот верен народ со пригодно слово, во кое се задржа на проповедта на апостолите во Македонија, од која како плодно семе до ден денес се раѓаат многу светии кои проповедале и го поучувале нашиот верен народ во оваа света земја.

„Откако покажаа трпеливо противење како и младите момчиња, богоносните девици храбро го уништија огнот, зашто тие се здобија со цврст разум, и со ист број Го прославија најславениот и секогаш фален Бог на отците наши“ (песна од канонот на Утрена на св. мч-ца. Софија и нејзините три ќерки: Вера, Надеж и Љубов).

На 30.09.2020 година, денот кога го прославуваме споменот на св. мч-ца. Софија и нејзините три ќерки: Вера, Надеж и Љубов, во катедралниот храм „Св. Софија“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоереј-ставрофорите Никола Христоски и Димче Ѓорѓиески, протоерејот Кирил Јованоски, свештениците Димче Азески, Горан Ставрески и Љупчо Бакрачески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, која интегрално ви ја пренесуваме. 

„Денес се исполни зборот пророчки: ете, се поклонуваме на местото каде што стоеја нозете Твои Господи и, откако го примивме дрвото на спасението, примивме слобода од страстите гревовни, по молитвите на Богородицам единствен Човекољупче“ (седален на Утрена на Воздвижение на чениот и животворен Крст - Крстовден). 

На 27.09.2020 година, денот кога го прославуваме празникот Воздвижение на ченсиот и животворен Крст - Крстовден, во манастирот „Св. Климент и Пантелејмон“ на Плаошник во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор австралиско-сиднејски г. Тимотеј во сослужение на протоерејот-ставрофор Никола Христоски, свештеникот Љупчо Бакрачески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниците со пригодна беседа, која нтегрално ви ја пренесуваме.