НАЈНОВО ОД ДЕБАРСКО-КИЧЕВСКАТА ЕПАРХИЈА

„Христе Боже, Ти се всели во пештера, јасли Те примија, а пастирите и Мудреците Ти се поклонија. Тогаш се сиполнија претскажувањата на пророците, и ангелските сили се восхитуваа, викајќи и говорејќи: Слава Му на Твоето понижување, единствен Човекољупче“ (стихира на Слава... на Стиховни стихири на Вечерна на Рождество Христово).

На 06.01.2021 година, во вечерните часови, во храмот „Св. Петар и Павле“ во Кичево, беше отслужена празнична Вечерна богослужба, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, протоерејот Стевче Тошевски, свештениците Ристо Камбуроски, Александар Матески и Александар Крстаноски и протоѓаконот Николче Ѓурѓиноски. По завршувањето на Вечернта богослужба, Митрополитот Тимотеј се обрати кон верниците со пригодна беседа, којашто во целост ви ја пренесуваме.

„Пречесниот спомен на твоите светли подвизи е како големо сонце кое свети, просветлувајќи ги сите оние кои те слават тебе, бидејќи изгонува секаква болест и бесови. Поради тоа, собрани, со љубов верно да го прославиме“ (кондак на Утрена на преп. Наум Охридски Чудотворец).

На 04.01.2021 година, во ман. „Св. Наум Охридски“ во Охрид, во вечерните часови, беше отслужена празнична Вечерна богослужба во чест на преподобниот Наум, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, игумен на манастирот, протоерејот-ставрофор Никола Христоски, свештеникот Димче Азески и протоѓаконот Николче Ѓурѓиноски.

Чесни отци и браќа и сестри во Христа. Речиси цела измината година, нашата држава и целиот свет се бори со опасен вирус, кој зафати многумина од нашите браќа и сестри во Христа, а, за жал, многумина и ја изгубија битката. Последниов, пак, период се наоѓаме во уште покризна ситуација со зголемениот број случаи на заболени од овој вирус, што претставува уште поголема закана за сите нас, закана што сака да ги нападне нашето тело, храмот на Светиот Дух, но и нашите души. Затоа уште еднаш апелираме до сите наши верници на МПЦ-ОА, односно Дебарско-кичевската епархија, строго да ги почитуваат донесените мерки од надлежните институции, а со цел што побрзо да го победиме ова искушение, но и да им помогнеме на сите оние кои секојдневно ги ризикуваат нивните животи за да ги спасат нашите. Во продолжение ви го пренесуваме писмото и апелот од нашиот ценет архиереј Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, упатено до свештенството и верниците, а ние како Црква, Тело Христово, чија Глава е Христос, имаме должност да ги почитуваме и во целост да ги исполнуваме наредбите и благословите од Епископот, зашто тој е оној кој нѐ води на патот до вечноста и тој е оној кој е воглавител на Црквата овде на земјата.  

„Проникнувајќи во иднината со духовното око, со правилни учења ги исполни сите краишта на земјата; објавувајќи ни Го едносушниот Син со Отецот, си го уништил безумието Ариево, откако ги даде твоите образложенија, како столб на верата православна“ (песна од Канонот на Утрена на св. Николај Архиепископ Мирликиски).

На 19.12.2020 година, на денот на споменот на светиот Николај Архиепископ Мирликиски Чудотворец, во манастирот „Св. Климент и Пантелејмон“ на Плаошник во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски и протоѓаконот Николче Ѓурѓиноски. По завршувањето на Литургијата, беше прекршен празничниот колач, а Митрополитот Тимотеј се обрати кон верниците со пригодна беседа, што ви ја пренесуваме во целост.

„На оние од Атос, од Кареја, си им бил како ангел, кој подвигот добро го заврши. Си израснал како дрво плодоносно во реки од воздржание, а душата си ја исчистил со потоци од солзи. Сите те познаваат како Божествен сосуд на Духот, отче Нектарие“ (кондак на Утрена на преп. Нектариј Битолски).

Прославата на преподобниот Нектариј Битолски и светиот Сава Освештен, започна ден претходно на 17.12.2020 година во вечерните часови, со Празнична вечерна богослужба, во параклисот „Св. Кирил и Методиј“ во манастирот „Св. Наум Охридски“ во Охрид, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, игумен на манастирот, протоерејот-ставрофор Никола Христоски, свештеникот Димче Азески и протоѓаконот Николче Ѓурѓиноски. По завршувањето на Вечерната богослужба, беше прекршен празничниот колач во спомен на преп. Нектариј Битолски и во чест на именденот на игуменот на манастирот, архимандритот Нектариј.