НАЈНОВО ОД ДЕБАРСКО-КИЧЕВСКАТА ЕПАРХИЈА

„Апостоле Христов, прв меѓу ѓаконите, мудар првомаченику, врву на апостолите, со твоите страдања ги освети краиштата на вселената, и со чудеса ги просветли душите на луѓето. Оние што те почитуваат, избави ги од секаква неволја, сефален Стефане“ (седален на Утрена на св. апостол, првомаченик и архиѓакон Стефан).

На 09.01.2020 година, кога го прославуваме споменот на светиот апостол, првомаченик и архиѓакон Стефан, во храмот „Св. вмч. Ѓорѓи“ во Струга, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот Васко Голабоски, свештениците Петар Бојчиноски и Христијан Костоски и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, која ви ја пренесуваме во целост.

„Отецот благоволи, Словото стана тело, и Дева Го роди Бога Кој се вочовечи; ѕвездата навестува, Мудреците се поклонуваат, пастирите се чудат, а тварта се радува“ (хвалитна стихира на Утрена на Собор на Пресвета Богородица).

На 08.01.2020 година, денот кога го празнуваме празникот Собор на Пресвета Богородица, во храмот „Пресвета Богородица - Челница“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, свештениците Димче Азески, Ѓорѓи Блажевски и Љупчо Бакрачески и протоѓаконот Николче Ѓурѓиноски. По завршувањето на Литургијата, беше извршен чинот на Мал водосвет и беше прекршен празничниот колач, а Митрополитот Тимотеј се обрати кон верниот народ со пригодно слово. 

Денот на Рождеството на Богомладенецот Христос е ден што носи радост за сиот свет, а особена радост претставува за оние со најчисти невини срца - дечињата. А таа радост се надополни и преку традицијата да се израдуваат најмладите со пригодни поклони, која продолжи и оваа година. Имено, во просториите на Митрополитскиот центар на Дебарско-кичевската епархија во Охрид, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј ги прими дечињата на свештенството и вработените во нашата Епархија. Дечињата му го честитаа Рождеството Христово на Дедо Владика, а Митрополитот, како вистински духовен татко, им подари пригодни пакетчиња и ги поздрави со христијанскиот поздрав: Христос се роди!  

„Слово (Божјо), Чијашто светлина му претходи на сонцето, и Кој дојде да им ставиш крај на гревовите, ѕвездата јасно Те покажа на Мудреците во една бедна пештера, Тебе Милостивиот, повиен во пелени. Тие, пак, видоа вистински Човек и Господ, радувајќи се“ (песна од канонот на Утрена на Рождество Христово - Божик).

На 07.01.2020 година, на денот на светлото Христово Рождество - Божик, во храмот „Св. вмч. Ѓорѓи“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски  и Администратор Австралиско-сиднејски г. Тимотеј, во сослужение на архимандритот Нектариј, протоереј-ставрофорите Никола Христоски, Сашо Богданоски и Игор Никовски и протоѓаконот Николче Ѓурѓиноски. На Литургијата учество зеде неизброен верен народ, а во радоста на Рождеството Христово учествуваше и Неговата екселенција Претседателот на Р. Македонија, г-дин Стево Пендаровски со семејството. По завршувањето на Литургијата, беше прочитано Божикното послание, испратено од Неговото Блаженство Митрополитот Скопски и Архиепископот Охридски и Македонски и на Јустинијана Прима г.г. Стефан, заедно со архиереите на МПЦ-ОА. Во продолжение истото ви го пренесуваме во целост.

„Христе, разумно Сонце на правдата, Ти си засветлил од Дева, и ѕвезда Те покажа сместен во пештера, Тебе - Несместливиот. Мудреците си ги упатил да Ти се поклонат; со нив и ние Те величаме, Животодавче, слава Ти“ (тропар од Вечерната на Рождество Христово).

На 06.01.2020 година, во вечерните часови, во храмот „Св. Петар и пПавле“ во Кичево, беше отслужена Вечерна богослужба, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоереј-ставрофорите Никола Христоски и Ѓорѓи Лапоски, протоерејот Стевчо Тошевски, свештениците Ристо Камбуроски, Александар Матески и Александар Крстаноски и протоѓаконот Николче Ѓурѓиноски. По завршувањето на Вечерната богослужба, беа осветени бадниковите гранчиња, а потоа Митрополитот Тимотеј се обрати кон верниот народ со пригодна беседа, која во целост ви ја пренесуваме.