НАЈНОВО ОД ДЕБАРСКО-КИЧЕВСКАТА ЕПАРХИЈА

„Пристапи жената грешна и осквернета, пролевајќи солзи, љубејќи Те и страдањето навестувајќи го: Како ќе Те погледнам, Господи? Зашто Самиот си дошол да ја спасиш блудницата. Мене умрената, во скресни ме од бездната, Ти, Кој го воскресна од гробот четиридневниот Лазар. Прими ме, Господи, мене бедната, и спаси ме“ (стихира на Господи повикав... на Вечерна на Велика Среда).

На 15.04.2020 година, на Велика Среда, во храмот „Успение на Пресвета Богородица“ - Каменско во Охрид, беше отслужена света архиерјска Литургија на Претходноосветени дарови, на којашто чиноначалствуваше Неговото Високопреосвштенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, свештениците Ѓорѓи Блажевски и Александар Димоски и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниците со пригодна беседа, којашто ви ја пренесуваме во целост.

Драги браќа и сестри, во прилог ви ја пренесуваме беседата на Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, напишана и наменета за Велики Вторник.

„Чесните страдања на овој ден, како светила совршени му светат на светот, зашто Христос, Кој со Својата рака држи сѐ, со добрина доаѓа да пострада и прифаќа да се распне на дрво, за да го спаси човекот“ (седален на Утрена на Велики Понеделник).

На 13.04.2020 година, на Велики Понеделник наутро, во храмот „Успение на Пресвета Богородица“ - Каменско во Охрид, беше отслужена света архиерејска Литургија на Претходноосветени дарови, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на свештениците Димче Азески и Љупчо Бакрачески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, којашто ви ја пренесуваме во целост. 

„Господи, од устата на децата и доенчињата си примил похвала од слугите Твои, за да го победиш непријателот, и со Твоето страдање на крстот да го искупиш древниот пад Адамов, со дрвото да го воскреснеш него, кој Ти пее песна победничка“ (песна од канонот на Утрена на Цветници).

На 12.04.2020 година, во Неделата Цветна - Цветници, кога го прославуваме Христовото влегување во Ерусалим, во манстирот „Св. Наум Охридски“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, игумен на манстирот, протоерејот-ставрофор Никола Христоски и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниците со пригодна беседа, која интегрално ви ја пренесуваме. 

Драги браќа и сестри во Христа, верници на Дебарско-кичевската епархија!

Во времето на Великиот пост, нашата Црква, односно нашиот верен народ, свештенството и монаштвото, сите заедно како Тело Христово, се соочуваме со едно опасно искушение, кое освен што ги напаѓа нашите тела, го напаѓа и нашиот дух, обидувајќи се да нѐ фрли во очајание. Но, искушенија имало, има и секогаш ќе има. Бог не ги дава овие искушенија, но ги допушта, некогаш заради нашите прегрешенија, гревови и непослушанија, а некогаш и за да ја зацврсти нашата вера.

Нашата света Македонска православна црква - Охридска архиепископија, вклучително и Дебарско-кичевската епархија Охрид, отсекогаш ја споделувала радоста, но и тагата со нашиот верен народ. Таа се грижи за нашите души, но има обврска да се грижи и за нашите тела, кои треба да се храмови на Светиот Дух. Нашата Црква, навистина, е Тело Христово, но таа и суштествува во светот. Следствено ова, Црквата има задолжение и да го почитува редот и поредокот во државата, зашто и секоја власт е дадена од Бога. 

Имајќи го предвид ова искушение, но и почитувајќи ги одлуките на надлежните институции, Дебарско-кичевската епархија апелира до своите верници да го чуваат своето здравје, да не се изложуваат на ризик од овој опасен вирус, а да прибегнат кон усилена молитва. Оние кои нема да се во можност да ги посетат храмовите, да не очајуваат, потсетувајќи се на зборовите на Великиот св. Јован Златоуст, кој вели: „Човекот, на кого му е наложено да не оди во црква, самиот може да си направи жртвеник, тогаш кога се моли“. Да не ги заборавиме и подвизите на великите столпници, подвижници, пустиници, преп. Марија Египетска, кои преку подвизите и молитвите се причестувале со Христа. Она што во овие моменти е важно е тоа какво место во нашите животи Му оддаваме на Христа.  Затоа и да не паѓаме во очајание, да не се вознемируваат нашите мисли, да не се тревожат нашите срца, но да ги засилиме молитвите, да побараме прошка од Господа, здравје за болните и што поскоро избавување од ова страшно искушение. Нашите срца да бидат преисполнети со Спасителот, Господ Исус Христос, а Мајкта Божја и сите светии да бидат наши застапници пред Него, па што побрзо да го победиме и ова искушение и да продолжиме сите заедно со заедничките молитви и благодарења во светата Тајна Евхаристија. 

Во прилог на сето погоре кажано, Ви ги пренесуваме и официјалното Соопштение од страна на САС на МПЦ-ОА, од 06.04.2020 година, како и Упатствата до свештенството и монаштвото, а со тоа и до сиот наш верен народ, упатено од Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, од 08.04.2020 година. За сѐ останато Ве замолуваме да се информирате во Вашите парохиски храмови. Бог да биде со сите нас!