НАЈНОВО ОД ДЕБАРСКО-КИЧЕВСКАТА ЕПАРХИЈА

„Со љубовта кон мудроста. си ја орезал покривката на твојата душа, отче, и со твоите чуда пред светот се покажа како сонце и ги озари мислите на верните. богомудар Василие, тајнику на (Света) Троица, и служителу на Богородица“ (светилен на Утрена на Обрезание по тело на Господ Исус Христос и св. Василиј Велики).

На 14.01.2021 година, на празникот Обрезание по тело на Господ Исус Христос и на светиот Василиј Велики, во манастирот „Св. Климент и Пантелејмон“ на Плаошник во Охрид, беше отслужена света архиерејска Василиева Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештеникот Љупчо Бакрачески и протоѓаконот Николче Ѓурѓиноски. По завршувањето на Литургијата, беше отслужен и Молебен на Нова Година, а беше прекршен и празничниот колач. Митрополитот Тимотеј се обрати кон верниците со пригодна беседа, којашто интегрално ви ја пренесуваме.

„Вчера Господ во тело при нас доаѓаше, а денес еден слуга од телото излегуваше; вчера Оној Кој царува во тело се роди, а денес Неговиот слуга смртно се каменува и заради Него пострада првомаченикот и божествен Стефан“ (кондак на Утрена на св. апостол, првомаченик и архиѓакон Стефан).

На 09.01.2021 година, на празникот на светиот апостол, првомаченик и архиѓакон Стефан, во храмот „Св. вмч. Ѓорѓи“ во Струга, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, протоерејот Васко Голабоски, свештениците Александар Димоски и Христијан Костоски и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, којашто во целост ви ја пренесуваме.

„Пријдете да ја воспееме Мајката Спасителова, која и по раѓањето се покажа Дева: Радувај се, жив граде на Царот и Бог, во кого Христос поживеа и спасението го изврши. Со Гавриила да запееме, со пастирите да прославиме, викајќи: Богородице, моли Го воплотениот од тебе, да се спасиме“ (хвалитна стихира на Утрена на Собор на Пресвета Богородица).

На 08.01.2021 година, на празникот Собор на Пресвета Богородица, во параклисот на Преподобните пречистански маченици Евнувиј, Пајсиј и Аверкиј, во ман. „Пресвета Богородица Пречиста“ во Кичево, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештеникот Александар Матески, еромонахот Кирил и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати со пригодна беседа кон присутните, којашто интегрално ви ја пренесуваме.

Денот на Рождеството Христово е ден за радост, зашто откако Несместливиот се смести во утробата на Дева, денеска се раѓа за да ја порази силата на древниот непријател и да нѐ избави од неговите окови. Но, на Младенецот, секако, Му се радуваат младенците - најмладите. Затоа, иако во вонредно време, дедо Владика (Митрополитот Тимотеј) им подари Божикни пакетчиња на најмладите и им го честита денот на Христовото Рождество со торжествениот поздрав: Христос се роди!, та и од устите на младенците да се слави Оној Кој е Љубов и Слава!

„Откако ги созерцававме несветлите образи и тешко описливите сенки на Словото Кој, како новороден се јави од заклучената врата, и бевме удостоени за Светлата Вистина, достојно да ја благословиме твојата утроба, о Мајко Пречиста“ (припев на 9-та песна од Канонот на Утрена на Рождество Христово - Божик).

На 07.01.2021 година, денот кога го прославуваме почетокот на спасението, славното Рождество Христово - Божик, во манастирот „Св. Климент и Пантелејмон“ на Плаошник во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, свештеникот Љупчо Бакрачески и протоѓаконот Николче Ѓурѓиноски. По завршувањето на Литургијата, беше прочитано Божикното послание, испратено до сите верни чеда на МПЦ-ОА, од Архиепископот Охридски и Македонски г.г. Стефан, заедно со членовите на Светиот архиерејски синод на МПЦ-ОА. Истото ви го пренесуваме во целост.