НАЈНОВО ОД ДЕБАРСКО-КИЧЕВСКАТА ЕПАРХИЈА

„Господи, жените мироносици трчаа кон гробот да Те видат Тебе - Христа, Кој заради нас пострада. И, кога пристигнаа, најдоа ангел седнат на каменот од страв тргнат, и повика кон нив, велејќи: Воскресна Господ! Кажете им на учениците дека воскресна од мртвите Оној Кој ги спасува душите наши“ (хвалитна стихира на Утрена во Светли Четврток).

На 06.05.2021 година, во Четвртокот од Светлата седмица и на празникот на св. вмч. Ѓорѓи - Ѓурѓовден, во храмот „Св. вмч. Ѓорѓи“ во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение архимандритот Нектариј, протоереј-ставрофорите Никола Христоски, Димче Ѓорѓиески и Игор Никовски, свештениците Горан Ставрески, Ѓорѓи Блажевски и Љупчо Бакрачески, протоѓаконот Николче Ѓурѓиноски и ѓаконот Васил Михајлоски. По завршувањето на Литургијата, беше извршен чинот на Водосвет во Светла седмица и беше прекршен празничниот колач, а Митрополитот Тимотеј се обрати кон верниците со пригодна беседа, којашто интегрално ви ја пренесуваме.

„Владико Човекољупче, во Твојата светлина ќе ја видиме Светлината, зашто си воскреснал од мртвите, на родот човечки дарувајќи му спасение, за да Те прославува сето создание, Тебе - единствениот бесгрешен: помилуј нѐ“ (хвалитна стихира на Утрена во вторник од Светла седмица).

На 04.05.2021 година, во Вторникот од Светлата седмица - Тред ден Велигден, во храмот „Св. Петар и Павле“ во Кичево, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, протоерејот Стевчо Тошевски, свештениците Ристо Камбуроски, Александар Матески и Александар Крстаноски, протоѓаконот Николче Ѓурѓиноски и ѓаконот Васил Михајлоски. 

„Нека кажат Јудеите како војниците Го погубија Царот што Го чуваа, и зошто каменот не Го дочува Каменот на животот? Или погребаниот да Го дадат, или на Воскреснатиот да Му се поклонат, говорејќи со нас: Слава на мноштвото Твои штедрости, Спасителе наш, слава Ти“ (воскресна хвалитна стихира на Утрена во Понеделник од светла седмица). 

На 03.05.2021 година, во Понеделникот од Светлата седмица - Втор ден Велигден, во храмот „Св. вмч. Ѓорѓи“ во Струга, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, протоерејот Васко Голабоски, свештеникот Христијан Костоски, протоѓаконот Николче Ѓурѓиноски и ѓаконот Васил Михајлоски. По завршувањето на Литургијата, Митрополитот Тимотеј се обрати кон верниците со пригодна беседа, којашто интегрално ви ја пренесуваме.

„Со архангелите да го воспееме Христовото Воскресение, зашто Он е Избавителот и Спасителот на душите наѓи, и во страшна слава, и во крепка сила, пак доаѓа да му суди на светот што го создаде“ (стихира на Господи повикав... на Вечерна во Светата и велика Недела на Пасха). 

На 02.05.2021 година, Во Светата и велика Недела на Пасха, во вечерните часови, во катедралниот храм „Св. Софија“, беше отслужена Вечерна богослужба - традиционалното Второ Христово Воскресение, на која беше прочитано дел од Евангелието според Јован (20, 19-25) на повеќе јазици. На богослужбата чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоереј-ставрофорите Никола Христоски, Сашо Богданоски, Димче Ѓорѓиески и Игор Никовски, свештениците Ромео Петрески, Ѓорѓи Блажески и Александар Димоски, протоѓаконот Николче Ѓурѓиноски и ѓаконот Васил Михајлоски. 

„Воскресението Твое, Христе Спасителе, ангелите го воспеваат на небесата, а нас, кои сме на земјата, удостој нѐ, со чисто срце да Те славиме“ (стихира на Воскресение Христово).

На 02.05.2021 година, на денот кога го прославуваме преславното, торжествено и светлоносно Воскресение Христово, на денот кога нашиот Спасител со Своето Воскресение ги скрши вратите на адиот и на сите нас ни даде можност и ние да совоскреснеме со Него, во манастирот „Св. Климент и Пантелејмон“ на Плаошник во Охрид, торжествено, со слаткопенија и биење на камбаните, беше дочекан овој најрадосен ден за човештвото. Воскресеннието Христово го објави Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештеникот Љупчо Бакрачески, еромонахот Никодим, протоѓаконот Николче Ѓурѓиноски и ѓаконот Васил Михајлоски. Потоа беше прочитано и Велигденското послание, испратено од Неговото Блаженство Митрополитот Скопски и Архиепископ Охридски и Македонски и на Јустинијана Прима г.г. Стефан, заедно со членовите на САС на МПЦ-ОА, а истото подолу Ви го пренесуваме во целост. Според црковниот поредок, беше отслужена и света архиерејска Литургија, на која сите кои постеле и се подвизувале во изминатиот великопосен период, го крунисаа својот труд со заедничарењето во светата Чаша. На сите верници на Дебарско-кичевската епархија, како и на сите верни чеда на МПЦ-ОА, им го честитаме овој најрадосен ден, со древниот христијански поздрав: Христос воскресе!