НАЈНОВО ОД ДЕБАРСКО-КИЧЕВСКАТА ЕПАРХИЈА

„Оној Кој некогаш ја затвори бездната, сега мртов се гледа и, завиткан во смирна и плаштаница, Бесмртниот како смртен во гроб се полага; а жените, плачејќи горчливо, дојдоа да Го помазат со миро, викајќи: Оваа сабота е најблагословена, зашто во неа Христос, заспан, по три дена ќе воскресне“ (кондак на Утрена на Велика Сабота).

На 30.04.2021 година, на Велики Петок навечер, во манастирот „Св. Климент и Пантелејмон“ на Плаошник во Охрид, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј чиноначалствуваше на Утрената богослужба, на која беа со погребалните статии беше прославено опелото на Христа, Кој за нас и нашето спасение толку многу се понизи што дозволи да биде измачуван, распнат на Крст, па дури и да биде погребан. На Митрополитот Тимотеј му сослужуваа протоерејот-ставрофор Никола Христоски, свештеникот Љупчо Бакрачески, еромонахот Никодим, протоѓаконот Николче Ѓурѓиноски и ѓаконот Васил Михајлоски. По завршувањето на богослужбата, Митрополитот Тимотеј се обрати кон верниците со пригодна беседа, којашто во целост ви ја пренесуваме.

„Тебе, Творецот на се и Бога, гледајќи Те на Крстот, Христе, онаа којашто бессемено Те родила, горко викаше: Сине Мој, каде зајде Твојата убавина! Не можам да гледам како Те распнуваат неправедно: но побрзај, стани, за да го видам и јас Твоето тридневно од мртвите воскресение“ (стихира на Господи повикав... на Вечерна на Велики Петок).

На 30.04.2021 година, на Велики Петок наутро, во манастирот „Св. Климент и Пантелејмон“ на Плаошник во Охрид, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, присуствуваше на богослужбата на која беа отслужени царските часови како и Вечерна богослужба, на којашто беше изнесена светата плаштаница. На богослужбата служеа протоерејот-ставрофор Никола Христоски, свештеникот Љупчо Бакрачески, еромонахот Никодим и протоѓаконот Николче Ѓурѓиноски.

„Хранејќи ги учениците на Тајната вечера, и знаљејќи ја намерата за предавство, на неа си го изобличил Јуда, иако знаеше дека е тој непоправлив, бидејќи сакаше да знаат сите дека си се предал доброволно, за да го избавиш светот од непријателот: долготрпелив Господи, слава Ти“ (седален на Утрена на Велики Петок).

На 29.04.2021 година, на Велики Четврток вечерта, кога се служи Утрената богослужба од Велики Петок, а на која се читаат дванесетте страдални Евангелија, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј чиноначалствуваше на Утрената богослужба во храмот „Св. вмч. Ѓорѓи“ во Струга, во сослужение на протоерејот Васко Голабоски, свештеникот Христијан Костоски, протоѓаконот Николче Ѓурѓиноски и ѓаконот Васил Михајлоски.

„Откако предавникот зеде леб во рацете, скришно ги пружа и ја прима цената на Оној Кој со Свои раце го создаде човекот, и Јуда остана непоправен слуга и измамник“ (кондак на Утрена на Велики Четврток).

На 29.04.2021 година, на Велики Четврток наутро, денот кога го празнуваме востановувањето на светата Тајна Евхаристија на Тајната вечера, во манастирот „Св. Климент и Пантелејмон“ на Плаошник во Охрид, беше отслужена света архиерејска Василиева Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештеникот Љупчо Бакрачески, еромонахот Никодим и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, којашто интегрално ви ја пренесуваме.

„Денес Христос оди во домот фарисеев и жена грешница пристапува и паѓа пред нозете Негови, викајќи: Погледни ме мене, потопената во гревови, падната во очајание порљади моите дела; не отфрлај ме, поради Твојата добрина, и дај ми, Господи, прошка на гревовите и спаси ме“ (стихира на Господи повикав... на Вечерна на Велика среда).

На 28.04.2021 година, на Велика среда, во храмот „Св. вмч. Ѓорѓи“ во Охрид, беше отслужена света архиерејска Литургија на Претходноосветени дарови, на којашто чиноначалсњтвуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештениците Горан Ставрески, Павел Крцоски и Александар Димоски, протоѓаконот Николче Ѓурѓиноски и ѓаконот Васил Михајлоски. По завршувањето на Литургијата, Митрополитот Тимотеј се обрати кон верниците со пригодна беседа, којашто интегрално ви ја пренесуваме.