НАЈНОВО ОД ДЕБАРСКО-КИЧЕВСКАТА ЕПАРХИЈА

На 13.11.2016 година, во својата 81-ва година од животот, се упокои во Господа игуманијата Агнија, која веќе 30 години верно служеше и раководеше со манастирот „Пресвета Богородица - Пречиста“ во Кичево. Последниот поздрав со мати Агнија, започна со света архиерејска заупокоена Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на Митрополитот Повардарски г. Агатангел, архимандритот Нектариј, протоереј Стевчо Тошевски, свештениците Владо Недески, Александар Матески, Љупчо Бакрачески и Роберт Илијевски, еромонахот Ефросиниј, протоѓаконот Николче Ѓурѓиноски и ероѓаконот Анатолиј. Во попладневните часови, во присуство на многубројни роднини и пријатели на игуманијата Агнија, како и на голем број верници од цела Македонија. беше извршено опелото за мати Агнија. на кое чиноначалствуваше Митрополитот Тимотеј, во сослужение на Митрополитот Агатангел, како и на повеќе свештенослужители од Македонската православна црква - Охридска архиепископија. Митрополитот Тимотеј се обрати кон присутните со пригодно слово и се прости од нашата верна Игуманија, а истото во целост ви го пренесуваме.

„Целиот свет најде во тебе заштитник, страдалнику, кој ги победуваш незнабошците. И, како што си ја победил горделивоста Лиева, и за борба си го охрабрил Нестора, така свети Димитрие, моли се на Христа Бога, да ни дарува милост голема“ (тропар на св. вмч. Димитриј).

На 08.11.2016 година, денот кога го прославуваме свештениот спомен на светиот великомаченик Димитриј Солунски, во храмот „Св. вмч. Ѓорѓи“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандритот Нектариј, протоереј-ставрофорите Сашо Богданоски и Димче Ѓорѓиески, протоерејот Игор Никовски, свештеникот Зоран Ставрески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, која интегрално ви ја пренесуваме.

Проф. д-р Ратомир Грозданоски, протоѓакон

АРХИПАСТИРСКИ ОБРАЗЕЦ ЗА СЛЕДЕЊЕ

Ваши високопреосвештенства и преосвештенство, Богољубиви архипастири,
Богусеоддајни високопреподобија, Преподобни монаси и монахињи,
Високопречесни и чесни отци, Браќа и сестри во Господа,
Честит и благословен нека Ви е двојниот јубилеј, г. Тимотеј,
Најбогољубиви митрополите на најсветата митрополија во Охрид,
На многаја лета!

„Ако проповедам Евангелие, нема за што да се фалам:
бидејќи тоа ми е должност; а тешко мене, ако не проповедам" (1. Кор. 9,16).

Почестен сум денес да говорам за промоција на значајното дело на митрополитот г. Тимотеј, насловено Охридски источник - Проповеди во 5 тома, од кои ќе се осврнам на последните три тома: третиот со 368 страници, четвртиот со 345 и петтиот со 372 страници или вкупно: 1 085 страници. Во нив, пак, 91 беседа во третиот, 85 во четвртиот, 93 во петтиот и вкупно: 269 беседи, изговорени во период од 5 години: 2010-11; 2012-13; 2014-15 година. И, се разбира, делото не е завршено. Ова е дело со целоживотна задача. Дај Боже, нека се умножи!

Здодевна е статистикава, знам, но уште малку и ќе преминам на моите погледи кон делото и кон авторот. Сакам, прво, да ја согледаме обемноста на ова дело, а потоа ќе говорам за големината на личноста и за постигнувањата.

Овие 300 беседи се напишани, изговорени и отпечатени поуки и слова на митрополитот Тимотеј, на празничните и неделните богослужби, по ред, според календарската година или по други поводи. Тоа е пастирската сеидба на архипастирот, како богослужител, учител, мисионер, проповедник и душегрижник за својот народ. Тоа е сеење на словото Божјо и евангелизација на луѓето (Матеј 13,3-30). На тој начин, Евангелието продира и се остварува во народот - проникнува во народното битие, во неговиот бит и култура, постанувајќи негов начин на живеење и спасување, „бидејќи тоа е сила Божја за спасение на секој што верува", вели светиот апостол Павле (Рим. 1,16).

6 ноември 2016

Дваесетта недела по Педесетница
Св. мч. Арета и 4299 мч-ци со него; св. Елезвој Етиописки; св. мч-чка Синклитикија; св. Атанасиј, патр. Константинополски

Промотивно слово
на Митрополитот Кумановско-осоговски Јосиф за I и II том Беседи
на митрополитот Дебарско-кичевски г.Тимотеј

Во името на Отецот и Синот и Светиот Дух!
Ваши Високипреосвештенства, Ваше Преосвештенство - богомудри архиереи на Црквата Христова, високопреподобни отци, пречесно свештенство и во Христа ѓаконство, преподобни монаси и монахињи, возљубени и богољубиви браќа и сестри. 

Добро е позната спасоносната улога на Православната црква и на нејзината ерархија во историјата на човештвото.

Затоа, угодно му беше на Духот Свет, кој сè соединува во Христа, и кој ја устројува Црквата како ерархиска институција, односно како Тело Христово, како вистински Утешител, на Собранија да посветува нови епископи, но исто така на собранија и да ja излива изобилно својата благодат. Зашто, каде што се двајца или тројца, собрани во Негово име, таму е и Духот Утешителот.

Затоа, со особена радост и задоволство, а пред сè со благодарност кон Бога, се одважив да одговорам на племенитиот предлог на нашиот домаќин, Високопреосветениот Митрополит дебарско-кичевски и администратор Австралиско-сиднејски г.Тимотеј, и да говорам на ова собрание после Собранието. А поводот е голем! Собрани сме овде, во Охрид, со двоедина радост, за одбележување на триесет и пет годишнината од неговата архиерејска служба и издавањето на неговите собрани беседи, кои се плод на неговото долгогодишно и од Бога благословено пастирствување.

Црквата, според својата структура, е богочовечки организам, кој е складен само тогаш кога сите негови служби и дарови се во меѓусебна согласност. Затоа и апостолот Павле вели: „И не може окото да и рече на раката: Не си ми потребна, ниту, пак, главата на нозете: Не сте ми потребни... за да нема расправии во телото, а органите подеднакво да се грижат едни за други (1Кор. 12, 21-25). Единството на Црквата е евхаристиско, но и ерархиско. Затоа и светите отци кажуваат дека Црквата е единствена тогаш кога сите заедно, и епископите и свештениците и ѓаконите, заедно со верниот народ, се собрани заедно. И уште: следете го епископот како Христа, и не правете ништо без епископот, зашто тој е икона Христова, без кого или без чиј благослов, не може да се принесе вистински принос на Бога во Евхаристијата. Ете толку е голема улогата на епископите во Црквата. Ете сега ни станува јасно зошто Црквата толку многу внимавала и ги избирала за епископи само оние, кои од Бога биле предизбрани за оваа возвишена, но и тешка и одговорна служба.

Затоа и денеска, се собра целата Македонска православна црква, да го прослави тешкиот архиерејски крст на Неговото Високопреосвештенство Митрополитот Дебарско-кичевски г. Тимотеј, кој достојно и несебично го носи веќе 35 години на своите плеќи. Прославата на овој голем Јубилеј 65 години од раѓањето и 35 години архиерејско служење на Митрополитот Тимотеј во Македонската православна црква - Охридска архиепископија, започна ден претходно со свечена воскресна Вечерна богослужба, во катедралниот храм „Св. Софија“ во Охрид, на која чиноначалствуваше Митрополитот Тимотеј, во сослужение на протоерејот Никола Христоски, свештениците Кирил Јованоски, Ромео Петрески, Сашо Ристески, Горан Ставрески, Ѓорѓи Блажевски, Љупчо Бакрачески и Роберт Илијевски, протоѓаконот Николче Ѓурѓиноски и ѓаконите Сашо Целески и Христијан Костоски.