НАЈНОВО ОД ДЕБАРСКО-КИЧЕВСКАТА ЕПАРХИЈА

„Со воздржување да порзаме сите телото да го смириме, минувајќи го божественото поприште на светиот пост, и со молитви и солзи Господа, нашиот Спасител, да Го побараме, викајќи: Згрешивме, спаси нѐ, како некогаш Ниневјаните, Христе Цару, и заедничари на Царството небесно, Милосрден направи нѐ“ (стихира на Господи повикав... на Вечерна во Недела од Сирна седмица).

На 01.03.2020 година, во вечерните часови, во храмот „Успение на Пресвета Богородица“ - Каменско во Охрид, беше отслужена Вечерна богослужба, на која чиноаначслтвуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, протоерејот Љупчо Симиџиески, свештеникот Димче Азески и протоѓаконот Николче Ѓурѓиноски. По завршувањето на Вечерната, Митрополитот Тимотеј се обрати кон многубројните верници со пригодна беседа, која подолу во целост ви ја пренесуваме. На самиот крај, свештенството и верниот народ побара еден од друг прошка, та со чисти срца да го започнеме Великиот пост.

„Откако се удостои со благодатта на свештенството, славен Харалампие, светло си ја украсил Црквата со божественото страдање, што храбро си го примил заради Христа радувајќи се, чесен светилнику на вселената, кој, како непобедлив, ги озаруваш нејзините краишта“ (кондак на Утрена на св. свешт-мч. Харалампиј).

На 23.02.2020 година, во Месопусната недела и на празникот на св. свешт-мч. Харалампиј, во храмот „Успение на Пресвета Богородица“ - Каменско во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на Неговото Високопреосвештенство Митрополитот Кумановско-осоговски г. Јосиф, архимандритот Нектариј, протоерејот-ставрофор Никола Христоски, свештениците Димче Азески, Ѓорѓи Блажевски и Љупчо Бакрачески и протоѓаконот Николче Ѓурѓиноски. По завршувањето на Литургијата, беше осветен новиот мед, а Митрополитот Тимотеј се обрати кон верниците со пригодна беседа, која подолу интегрално ви ја пренесуваме. На самиот крај, Митрополитот Јосиф му подели нафора на верниот народ.

„Твоето стадо, Партение, си го поросувал со водата на посинувањето, измивајќи ја скверната на безбожието со твоите учења, и просветлувајќи со светлината на благодатта“ (песна од канонот на Утрена на преп. Партениј).

На 20.02.2020 година, на празникот на преподобниот Партениј Лампсакиски, а по повод именденот на архимандритот Партениј, игумен на Бигорската обител, во манастирот беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на Неговото Високопреосвештенство Митрополитот Тетовско-гостиварски г. Јосиф, Неговото Преосвештенство Епископот Стобиски г. Јаков, архимандритот Партениј, протоерејот-ставрофор Никола Христоски, еромонасите Доситеј, Макариј, Еразмо и Ефросиниј, свештеникот Павел Крцоски и ероѓаконите Порфириј и Анатолиј. По завршувањето на Литургијата, беше осветено коливото, а Митрополитот Тимотеј се обрати кон многубројниот верен народ со пригодна беседа, којашто подолу ви ја пренесуваме во целост. Од името на свештенството, монаштвото и верниот народ од нашата Епархија, му го честитаме именденот на архимандритот Партениј, со молитви за крепко здравје и уште поголема љубов, та нашиот Спасител, Господ Исус Христос, уште многу години да го води по патот на Неговите заповеди, за мудро да раководи со Бигорската обител, за спасение на многу души и за афирмација на ова наше светилиште. На многаја лета!

„Кога старецот се поклони и набожно се допре до божествените стапала на неискособрачната Богомајка, рече: Ти носиш Оган, Пречиста, се плашам да Го земам во раце детето Бога, Незаодната Светлина, и Господарот на вселената“ (песна од канонот на Утрена на Сретение на Господ Исус Христос).

На 15.02.2020 година, на празникот Сретение на Господ Бог и Спасителот наш Исус Христос, во храмот „Успение на Пресвета Богородица“ во Македонски Брод, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештениците Сашо Костадиноски, Боге Богески и Зоран Ставрески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниците со пригодна беседа, која интегрално ви ја пренесуваме.

На 12.02.2020 година, во просториите на Административниот центар на Дебарско-кичевската епархија во Охрид, беше одржан редовен состанок на Епархискиот управен одбор на Дебарско-кичевската епархија Охрид, под претседателсто на Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј. На Состанокот беше усвоена Завршната сметка на Епархијата за 2019 година, а беше прифатен и Предлог буџетот за 2020 година. На истиот беа разгледани и повеќе прашања од важен карактер за Епархијата. На Состанокот присуствуваа сите членови, во состав:

• архимандрит Нектариј (Најдоски) - Охрид
• протоереј-ставрофор Димче Ѓорѓиески - Охрид
• протоереј Васко Голабоски - Струга
• Д-р Светослав Маџаров - Охрид
• Д-р Сашо Цветковски - Струга
• Г-дин Владимир Толески - Кичево и
• протоереј-ставрофор Никола Христоски, во својство секретар на ЕУО на ДКЕ Охрид и записничар на состанокот.